Türkiyədə Müalicə Alarkən Nələrə Diqqət Etməlisiniz?

Tükiyədə Müalicə

Sağlamlıq hər kəs üçün ən vacib və ən maraqlı mövzulardan biridir. Xaricdə müalicə almaq isə başlı başına detallı araşdırma və planlaşdırma tələb edən bir mövzudur. Doğru həkimi və klinikanı tapmaq, tapdığınız klinikanın sizin xəstəliyinizə yönəlik ən doğru müalicə metodunu təqdim etdiyindən əmin olmaq və müalicə prosesində qarşılaşa biləcəyiniz vəziyyətləri öncədən anlamaq bir çox insan üçün çətin ola bilər.

Türkiyə sərfəli qiymətlərlə və xidmət keyfiyyəti ilə dünyanın dörd bir yanından turistlərin diqqətini cəlb edən bir ölkədir. Lakin hələ də bir çox insan Türkiyədə müalicə almaq üçün nə etməli olduqlarını, müalicə zamanı nələrlə qarşılaşa biləcəklərini və müalicə prosesinin başından sonuna qədər nələr etməli olduqlarını bilmir. Bu yazımızda müalicə üçün Türkiyəyə səyahət etməzdən əvvəl tibbi xidmətlərin keyfiyyəti, müalicə qiymətləri, dil və əlaqə, leqal və etik mövzular daxil olmaqla bir çox mövzuya dərinləməsinə toxunacağıq.

Tibbi Turizm Üçün İdeal Ölkə: Türkiyə

Türkiyə son illərdə tibbi turizm sahəsində xarici vətəndaşlar tərəfindən ən çox bəyənilən destinasiyalardan biri halına gəlib. Uyğun qiymətlərlə yüksək keyfiyyətli tibbi xidmət axtaranlar Türkiyədə diş müalicəsi, ortopedik və travmatoloji müalicələr, estetik və plastik cərrahiyyə, onkologiya və daha bir çox müalicə prosedurunu rahatlıqla əldə edə bilirlər. Türkiyə müasir tibbi xidmətlərlə yanaşı eyni zamanda hamamlar və SPAlar vasitəsilə alternativ tibb prosedurlarının tətbiqinə də böyük yer verən bir ölkədir. Bu ənənəvi müalicə metodları xarici turistlər üçün bənzərsiz və maraqlı təcrübə deməkdir.

Türkiyə səhiyyəsi ölkəni tibbi məqsədlərlə ziyarət edən turistlər üçün bir sıra üstünlüklər təqdim edir.

JCI akredit xəstəxanalar

JCI (Joint Commission International) səhiyyə təşkilatlarını keyfiyyət və təhlükəsizlik standartlarına görə akkreditasiya edən qlobal səviyyədə tanınan təşkilatdır. Türkiyə dünyada ən çox JCI akkreditasiyalı xəstəxanaya ev sahibliyi edən ölkələrdən biridir.

Əlverişli coğrafi mövqe

Türkiyənin əlverişli coğrafi mövqeyi onu müalicəvi turizm üçün cəlbedici edən amillərdən biridir. Avropa və Asiyanın kəsişməsində yerləşən ölkəyə dünyanın bir çox yerindən asanlıqla getmək olar.

Sərfəli qiymətlər

Türkiyəni müalicə turizmi üçün məşhur bir məkana çevirən ən mühüm amillərdən biri də tibbi xidmətlərin münasib qiymətlərə təqdim olunmasıdır. Bir çox Qərb ölkələri ilə müqayisədə Türkiyədə tibbi müalicə daha sərfəli qiymətə həyata keçirdilir.

Ən yüksək səviyyəli xidmət

Türkiyənin tibbi turizm sənayesi beynəlxalq xəstələrə ən yüksək keyfiyyətli tibbi xidməti göstərməsi ilə tanınır. Ölkədə çoxlu sayda yüksək təcrübəli tibb mütəxəssisləri və beynəlxalq standartlara cavab verən yaxşı təchiz olunmuş tibb müəssisələri fəaliyyət göstərir.

Təcrübəli kadrlar

Türkiyədə bir çox tibb işçisi öz təhsil və təlimlərini həm ölkə daxilində, həm də xaricdə aparıcı universitet və tibb müəssisələrində alıb. Bundan əlavə, ölkədə tibbi mütəxəssislərin ən son tibbi texnologiya və texnikalarla müntəzəm olaraq yenilənməsini təmin edən inkişaf etmiş tibb təhsili sistemi mövcuddur.

Müasir avadanlıqlar və innovativ müalicə texnologiyaları

Müasir avadanlıqların, innovativ müalicə üsullarının və təcrübəli tibb mütəxəssislərinin birləşməsi xəstələrə ən son tibbi texnologiyalar və müalicə üsullarını təqdim etməklə Türkiyənin tibbi turizmin aparıcı istiqamətinə çevrilməsinə kömək etmişdir.

Dil problemi olmadan müalicə

Türkiyədə bir çox tibb mütəxəssisinin ingilis və digər xarici dilləri mükəmməl bilməsi beynəlxalq xəstələrin öz həkimləri və digər səhiyyə işçiləri ilə ünsiyyətini asanlaşdırır.

Müalicəni tətilə çevirmək imkanı

Türkiyədə müalicə almaqla müalicə prosesinizi tətilə çevirə bilərsiniz. Ölkə zəngin mədəni irsi, gözəl mənzərələri və turizm bölgələri ilə tanınır. Siz Türkiyədə müalicə alarkən ölkənin turizm bölgələrinə rahatlıqla gedə bilər, ölkənin mədəniyyəti,mətbəxi və görməli yerləri ilə tanış ola bilərsiniz.

Türkiyənin tibbi xidmətləri və turistik yerlərinin birləşməsi beynəlxalq xəstələrə müalicələrini tətilə çevirmək imkanı verir. Ölkə zəngin mədəni irsi, gözəl mənzərələri və zəngin tarixi ilə tanınır, xəstələrə Türkiyənin təklif etdiyi hər şeyi araşdırmaq və həzz almaq imkanı verir. Buraya tarixi yerləri ziyarət etmək, çimərlikdə dincəlmək və ya ənənəvi türk mədəniyyəti və mətbəxi ilə tanış olmaq daxildir.

Türkiyədə Ən Çox Axtarılan Müalicə Növləri və Qiymətləri

Türkiyə daha çox saç əkimi, plastik və estetik cərrahiyyə, sümük iliyi transplantasiyası, diş müalicələri, transplantasiya və onkologiya sahələrindəki uğuru ilə sağlamlıq turizmi sahəsində nüfuz qazanıb. Türkiyədə müalicə qiymətləri ilə bağlı aşağıdakı cədvəldən məlumat ala bilərsiniz.

Türkiyədə ən çox tələb olunan bəzi müalicələr və qiymətləri aşağıdakı kimidir:

Türkiyəyə Müalicə Üçün Getməzdən Əvvəl Nələrə Diqqət Etməlisiniz?

Türkiyədə müalicə almağı düşünürsünüzsə, müalicə proseslərinizi planlaşdırmadan öncə bu yazımızı oxumağınızı tövsiyyə edirik. Türkiyədə müalicə zamanı keyfiyyətli tibbi xidmət və yüksək müalicə təcrübəsi yaşaya bilərsiniz lakin səyahətə başlamazdan öncə müalicə zamanı nələrlə qarşılaşacağınızı bilmək vacibdir. 

Türkiyədə Müalicə Almaq İstəyənlərin Diqqət Etməli Olduğu Nüanslar

Keçmişdə tibbi turizm məqsədilə xaricə səfər etməyibsinizsə və Türkiyə sizin ilk tibbi turizm məqsədli destinasiyanız olacaqsa, o zaman müalicə prosesinizi asanlaşdırmaq üçün bilməli olduğunuz bəzi məlumatlar var. Nələrə diqqət etməli olduğunuz haqqında danışmazdan öncə onu qeyd etməliyik ki, Türkiyədə müalicə olmaq çətin deyil. Doğru araşdırma, planlaşdırma və qarşılaşacağınız vəziyyətləri öncədən bilərək asanlıqla Türkiyədə müalicə ola bilərsiniz.

Gəlin Türkiyədə müalicə prosesinizi asanlaşdıracaq tövsiyyələrimizə keçid edək.

Doğru Klinikanı Seçin

Türkiyədə saysız-hesabsız klinikalar və xəstəxanalar var və onların bir çoxu xidmət keyfiyyəti baxımından Avropa standartlarına cavab verir. Ancaq əziyyət çəkdiyiniz tibbi problem üçün ən yaxşı müalicəni təklif edən klinikanı və həkimi tapmaq üçün araşdırma aparmalı olacaqsınız. Müalicənizi uğurla başa çatdırmaq və özünüzü etibarlı əllərə əmanət etmək üçün düzgün klinika və həkim tapmaq vacibdir.

Əvvəlcədən hər şeyi planlaşdırın

Əksər tibbi proseslərdə olduğu kimi, sağlamlıq turizmində də əvvəlcədən planlaşdırma çox vacibdir. Müalicə prosesinizi və ya səyahət prosesinizi bütün detalları ilə planlaşdırmalısınız. Planlaşdırmalı olduğunuz şeylər arasında Türkiyəyə gəldiyiniz zaman klinikaya necə çatacağınız, müalicə prosesi zamanı harada qalacağınız və daha çox detal olacaq.

Gözlənilməz hallara hazır olun

Sağlamlıq turizminə gəldikdə, mümkün gözlənilməz hallar qaçılmazdır. Həmişə gözlənilməz qeyri-adi vəziyyətlə qarşılaşa bilərsiniz. Müalicə prosesində və ya səyahət zamanı baş verə biləcək mümkün ssenarilər haqqında öyrənmək üçün tibbi turizm şirkəti ilə əməkdaşlıq edə və ya konsultasiya xidməti əldə edə bilərsiniz bilərsiniz.

Biz A-Medical sağlamlıq turizmi şirkəti olaraq xaricdə müalicə almaq istəyən müştərilərə konsultasiya xidmətləri göstərməklə yanaşı, xaricdə müalicə prosesini tam idarə edir və pasiyentlərin sağlamlıqlarını geri qazanmalarına kömək edirik. Xaricdə müalicə almaq və bütün prosesi təcrübəli sağlamlıq turizmi şirkətinə həvalə etmək istəyirsinizsə əlaqə səhifəmiz və ya nömrəmiz vasitəsilə bizimlə əlaqə saxlaya bilərsiniz.

Ödənişləri Birbaşa Xəstəxanaya Verməlisiniz

Əgər Türkiyədə müalicə almaq istəyirsinizsə, bilməlisiniz ki, ödənişi həmişə klinikaya və ya xəstəxanaya ödəməlisiniz. Müalicə prosesində xoşlamadığınız bir vəziyyət yaranarsa və ya müalicə prosesiniz uğursuz idarə olunursa bu nüans ödənişinizi geri almanızı asanlaşdıracaq.

Həkim araşdırması

Türkiyədə saysız-hesabsız uğurlu həkimlər var. Türkiyədə müalicə üçün yalnız klinika yox, həkim araşdırması da etmək lazımdır. Seçdiyiniz həkimlərin müalicə olunmaq istədiyiniz xəstəliklə bağlı təcrübəsi olub-olmadığını və onların keçmişdə almaq istədiyiniz müalicə ilə bağlı işləyib işləmədiklərini öyrənməlisiniz.

Xəstəxanadan endirim tələb edin

Türkiyədə müalicə aldığınız zaman seçdiyiniz klinikadan endirim tələb etməlisiniz. Bir çox klinika və xəstəxana sadəcə tibbi turizm şirkətinin vasitəçiliyi ilə gələn pasiyentlərə endirim tətbiq etsə də, siz yenə də şansınızı sınaya bilərsiniz.

Klinika ilə əməkdaşlıq edən otellərdən endirim alın

Türkiyədə xəstəxana və klinikalar müxtəlif otellərlə əməkdaşlıq edir. Müalicə prosesində keyfiyyətli oteldə qalmaq istəyirsinizsə, klinika ilə əməkdaşlıq edən otellərdən endirimlər tələb edə bilərsiniz. Unutmayın ki, endirimi birbaşa klinikadan tələb etməlisiniz.

Pulsuz transfer xidmətindən yararlanın

Xəstəxanalar xarici xəstələr üçün pulsuz transfer xidməti təklif edir. Türkiyəyə gəldiyiniz zaman klinikaya necə gedəcəyinizi düşünməklə məşğul olmamaq üçün xəstəxananın pulsuz transfer xidmətindən yararlanmalısınız.

Tibbi testlərinizi klinikada vermək məcburiyyətində deyilsiniz

Müalicə aldığınız klinikanın tələb etdiyi tibbi testləri birbaşa klinikada vermək məcburiyyətində deyilsiniz. Bu analizləri Türkiyədəki xəstəxanalar və klinikalar tərəfindən tanınan laboratoriyalarda çox daha ucuz qiymətə etdirib klinikanıza çatdıra bilərsiniz.

Məsələn, əməkdaşlıq etdiyimiz Centermed Laboratory Türkiyənin ən məşhur xəstəxanaları ilə eyni mövqedə yerləşir və xəstələrə müxtəlif tibbi analiz və diaqnostika xidmətləri təklif edir. Siz Centermed Laboratoriyasında klinika tərəfindən sizdən tələb olunan analizləri demək olar ki, yarı qiymətinə təmin edə bilərsiniz.

A-Medical Türkiyədə Müalicənizi Asanlaşdırır

Türkiyədə müalicə olunmaq istəyirsinizsə amma bütün prosesi təcrübəli sağlamlıq turizmi şirkətinə həvalə vermək istəyirsinizsə bizə etibar edə bilərsiniz. Biz 7 ildən artıqdır ki, bu sahədə fəaliyyət göstərən təcrübəli tibbi turizmi şirkətiyik. Müalicə prosesinizin asanlaşdırılması ilə bağlı bütün detalları bilirik və müalicənizi daha sərfəli və keyfiyyətli etmək üçün çalışırıq.

A-Medical sağlamlıq turizmini seçərək, Türkiyədə müalicə müddətində müxtəlif endirimlərdən və sağlamlıq turizmi xidmətlərindən yararlana bilərsiniz. Türkiyəyə səyahətinizin ətraflı planlaşdırılması, xəstəxana ilə əlaqənin qurulması, randevuların təyin edilməsi və xəstənin təqibi kimi proseslərdə sizə köməklik edirik. Bütün xidmətlərimiz haqqında məlumat əldə etmək üçün xidmətlər səhifəmizə daxil ola bilərsiniz və ya aşağıdakı kommunikasiya vasitələrindən istifadə edərək əvvəlcə bizdən məsləhət xidməti ala bilərsiniz.