Tibbi Turizm İlə Pulunuza Nə Qədər Qənaət Edə Bilərsiniz?

COVID-19 pandemiyasından sonra sərhədlərin yenidən açılması və məhdudiyyətlərin aradan qalxması ilə tibbi turizm sənayesində yaşanan durğunluq aradan qalxdı. İndi insanların öz ölkələrində əldə edə bilmədikləri və ya çox yüksək qiymətlərə məruz qaldıqları müalicələr üçün tibbi turizm kimi güclü alternativi var.

Tibbi turizm dedikdə, sərfəli qiymətlərlə keyfiyyətli tibbi xidmət arasında balans tapmaqdan söhbət gedir. Bu gün Türkiyə, Azərbaycan, Macarıstan kimi bir çox ölkələr beynəlxalq pasiyentlərə sərfəli qiymətlərlə tibbi xidmət göstərməklə buna nail olurlar.

Bu yazıda tibbi turizmdən yararlanaraq nə qədər qənaət edə biləcəyinizdən danışacağıq. Bundan əlavə, məqaləmizdə məşhur və ucuz tibbi turizm ölkələrinə də yer verəcəyik.

Tibbi turizm nədir?

Tibbi turizm müalicə almaq üçün başqa ölkəyə səyahət etmək deməkdir. İnsanlar aşağıdakı səbəblərə görə tibbi turizmə üstünlük verirlər:

1. Xərclərin azaldılması: Bu gün ABŞ-da səhiyyə xərcləri dünyada ən yüksəklər arasındadır. Eyni şey digər inkişaf etmiş səhiyyə sistemləri olan ölkələr üçün də keçərlidir. Ona görə də insanlar xərcləri azaltmaq üçün tibbi turizmə üstünlük verirlər.

2. Ən yaxşı həkimi tapmaq: Xüsusi müalicələrdə ən yaxşı həkimi tapmaq üçün sərhədləri aşmalısınız. Tibbi turizm xəstələrə bu imkanı verir.

3. Ən yaxşı klinikanı tapmaq: Xüsusi müalicələr üçün öz ölkənizdə ən yaxşı müalicəni təklif edən klinikanı tapmaq mümkün olmaya bilər. Tibbi turizm sayəsində axtardığınız ən yaxşı müalicəni təklif edən klinikaları başqa ölkələrdə də tapmaq mümkündür.

4. Səyahət və tətil: Tibbi turizm yalnız müalicə üçün səyahət deyil. Müalicə turizmi sayəsində müalicə üçün getdiyiniz ölkələrdə vaxt keçirə, hətta səyahət vaxtınızı uzada və ölkənin məşhur turizm yerlərini kəşf edə bilərsiniz.

Yuxarıda sadalananlar tibbi turizmin əsas üstünlükləri sırasındadır. Bu faydalar tibbi turizm provayderlərin, sığorta şirkətlərinin və peşəkar tibbi turizm dəstəyi göstərən xeyriyyə təşkilatlarının iştirakı ilə artırıla bilər.

Əgər tibbi turizm haqqında daha çox şey öyrənmək və müalicə turizminin fayda və zərərlərini kəşf etmək istəyirsinizsə, blog yazımıza nəzər sala bilərsiniz.

Tibbi turizm nə dərəcədə təhlükəsizdir?

Tibbi turizmin təhlükəsizliyi təyinat ölkəsindən, tibbi turizm şirkətindən (əgər varsa), klinikadan və həkimdən asılıdır. Doğru yerdən peşəkar yardım alsanız, təhlükəsizliklə bağlı narahat olmağınıza dəyməz. Ancaq tibbi turizm prosesini təkbaşına idarə edirsənsə, o zaman ən yaxşı həkim, klinika və təyinat yeri tapmaq üçün dərin araşdırma aparmaq mütləqdir.

Tibbi turizmin səhiyyə xərclərinizi azaltmağın 6 yolu

Tibbi turizm müalicə xərclərinizi azaldacaq və pulunuza qənaət etmək imkanı yaradacaq

Burada tibbi turizmin səhiyyə xərclərinizi azaltmağa kömək edə biləcəyi 6 üsul var:

1. Əgər tibbi turizm xidmətləri təklif edən sığorta şirkətlərindən sığortanız varsa, bir çox əlavə ödənişlər, xüsusən də aviabilet, logistika və qonaqlama kimi əlavə xərclər üçün daha az məbləğ ödəyə bilərsiniz.

2. Əgər tibbi turizm provayderlərindən peşəkar yardım alırsınızsa, klinikaların təklif etdiyi sabit qiymətdən aşağı qiymətə axtardığınız tibbi proseduru əldə edə bilərsiniz.

3. Tibbi turizm şirkətləri sizə səfər etdiyiniz ölkədə çəkilə biləcək əlavə xərclərə görə endirimlər təqdim edə bilər. Bunlar tibbi testlər, dərman və tibbi ləvazimatların alınması və s. ola bilər.

4. Tibbi turizm şirkətləri xəstələri cəlb etmək üçün aviabiletlər və qonaqlama yerlərində endirimlər kimi səyahət təşviqləri təklif edə bilərlər. Bu təşviqlər ümumi tibbi xərclərinizə qənaət etməyə kömək edə bilər.

5. Bir çox tibbi turizm destinasiyaları məşhur istirahət yerlərində yerləşir, buna görə də müalicənizi tətillə birləşdirə bilərsiniz.

6. Bir çox ölkələrdə tibbi xidmətə tələb öz ölkənizdəki qədər yüksək deyil, ona görə də tibbi xidmət almaq üçün çox gözləməyəcəksiniz.

Tibbi turizm qanunidir?

Müalicə turizminin ucuzluğundan danışarkən müalicə üçün xaricə getməyin qanuni olub-olmaması sualı yarana bilər. Tibbi turizm tamamilə qanunidir və ölkələrin turizm və sağlamlıq sənayesinin inkişafına töhfə verir. Bu səbəbdən bir çox dövlətlər ölkələrinin iqtisadi inkişafını təmin etmək üçün tibbi turizmi təşviq edirlər.

Tibbi turizm səhiyyə xərclərinizi azalda bilərmi?

Hara getdiyinizdən asılı olaraq tibbi turizm ilə xərclərinizi azaltmaq mümkündür. Məsələn, Türkiyədə ən çox tələb olunan tibbi prosedurlar arasında olan saç əkimi və arıqlama əməliyyatı Avropa ölkələri və İngiltərə ilə müqayisədə 50-60% ucuzdur.

Xaricdə ən çox tələb olunan tibbi xidmətlər

Patients Beyond Border tərəfindən aparılan araşdırmaya əsasən, xaricdə ən çox tələb olunan tibbi müalicələr aşağıdakılardır:

1. Estetik cərrahiyyə

2. Stomatologiya (ümumi, bərpaedici, kosmetik)

3. Ürək-damar müalicələri (angioplastika, CABG, transplantasiya)

4. Ortopediya (oynaq və onurğa; idman tibb)

5. Xərçəng müalicələri

6. Reproduktiv müalicələr (IVF, qadın sağlamlığı)

7. Bariatrik cərrahiyyə (LAP-BAND, gastrik bypass)

8. Skanlar, testlər, sağlamlıq müayinələri və ikinci rəylər.

Pulunuza ən çox qənaət edə biləcəyiniz tibbi turizm destinasiyaları

Patients Beyond Border tərəfindən aparılan araşdırmaya görə, beynəlxalq xəstələrin tibbi turizm üçün ən çox getdiyi istiqamətlər bunlardır:

1. Kosta Rika

2. Hindistan

3. İsrail

4. Malayziya

5. Mexiko şəhəri

6. Sinqapur

7. Cənubi Koreya

8. Tayvan

9. Tayland

10. Türkiyə

11. Amerika Birləşmiş Ştatları

Gəlin ən çox tövsiyə etdiyimiz və pulunuza ən çox qənaət etməyə imkan verəcək ölkələrə nəzər salaq.

Türkiyə

Türkiyə tibbi turizm sənayesində ən sürətlə böyüyən ölkələrdən biridir və ölkə səhiyyəsi beynəlxalq pasiyentlər üçün bir çox üstünlük təqdim edir. Türkiyə klinikaları dünya miqyasında nüfuza malikdir. Məhz, Türkiyədə bir çox klinikalar JCI və ISO akkreditasiyasına malikdir.

Türkiyədə müalicə 50-60% pula qənaət etmək və yüksək keyfiyyətli müalicə almaq deməkdir. Türkiyənin tanınmış həkimləri və qabaqcıl səhiyyə sistemi sizə axtardığınız ən keyfiyyətli müalicəni əldə etmək imkanı verəcək.

Saç əkimi, arıqlama əməliyyatı, diş implantasiyası və plastik cərrahiyyə Türkiyədə ən çox tələb olunan müalicələr arasındadır.

Meksika

Amerikaya yaxınlığı, münasib qiymətləri və yüksək pasiyent məmnuniyyəti ilə Meksika Amerika vətəndaşları üçün prioritet turizm istiqamətləri sırasındadır.

Meksika diş implantları, IVF müalicəsi və arıqlama əməliyyatları ilə tanınır. Meksikanın səhiyyə sistemi beynəlxalq pasiyentlərə müxtəlif imkanlar təqdim edir.

Tayland

Tayland yüksək keyfiyyətli tibbi xidməti və münasib qiymətləri ilə tanınan tibbi turizmdestinasiyasıdır. Tibbi turistlərin Taylandda axtardıqları məşhur prosedurlar arasında estetik cərrahiyyə, diş baxımı və IVF müalicəsi yer alır.

Tibbi turizm şirkətindən peşekar yardım almaq səhiyyə xərclərini azaltmaqda sizə kömək edə bilər?

Bəli. Tibbi turizm şirkətləri beynəlxalq pasiyentlərin xaricdə müalicə almaq üçün lazım olan xərcləri azaltmaqla yanaşı, bütün prosesi asanlaşdırır və pasiyentlərə xaricdə mükəmməl müalicə təcrübəsi təqdim edirlər.

Biz A-Medical olaraq 7 ildən artıqdır ki, beynəlxalq pasiyentlərin Türkiyə, Macarıstan, Azərbaycan, İsrail, BƏƏ, Slovakiya və bir çox başqa ölkələrdə müalicə almasına kömək edirik.

Pasientlərimiz bizim vasitəmizlə xaricdə müalicə almaqla 40%-60% pula qənaət edə bilirlər. Bununla yanaşı, pasiyentlərimizə aşağıdakı tibbi turizm xidmətlərini təklif edirik:

1) Səyahət planlaması

2) Klinikalarla əlaqə saxlamaq, həkim qəbulu

3) Sənədlərin tərcüməsi və klinikaya göndərilməsi

4) Pulsuz transfer və tərcüməçi dəstəyi

5) Dərman və tibbi ehtiyacların güzəştli qiymətlə əldə edilməsi

6) Endirimli qiymətə tibbi müayinələrin alınması

7) Qonaqlama dəstəyi

Xidmətlərimiz pasiyentlərimizin əlavə vaxt və pul itirmədən xaricdə müalicə alması üçün nəzərdə tutulub. Əgər xaricdə müalicə almağı düşünürsünüzsə, biz sizin üçün prosesi daha sürətli və ucuz edə biləcəyimizə inanırıq.

Xaricdə endirimli qiymətlərlə müalicə almaq bu barədə düşünürsünüzsə, aşağıdakı əlaqə kanalları vasitəsilə bizimlə əlaqə saxlayaraq xaricdə müalicənizi mükəmməl hala gətirə bilərsiniz!

Mobil: (+994 10) 310 93 33

Whatsapp: +994 10 310 93 33 

Email: [email protected]

Ünvan: Neftchiler Ave. 151, AZ 1010, Baku, Azerbaijan